Poñémonos en camiño. Dende este espazo, queremos facer chegar a todos o sentir da nosa realidade educativa e do noso labor pastoral.

O noso colexio non tería razón de ser, se só fosemos eficaces na transmisión de contidos académicos. Aos educadores Vedruna , preocúpanos a dimensión humana- transcendente que todos debemos cultivar para sentirnos libres e felices, para ser un cos nosos irmáns e para chegar a Deus.

Cantabamos o día da Paz unha canción que remataba dicindo: "a paz significa compartir", por iso comezamos en paz, xusto coa celebración da Fundación Vedruna e compartindo con todos este espazo: alumnos, pais, profesores e persoal non docente.

Todo comezou hai 184 anos. Quen lle ía dicir a Joaquina de Vedruna que a súa obra ía durar ata o século XXI?

Se cada un de nós, por distintos camiños, chegou a este colexio, se hoxe estamos aquí, é porque hai moitos anos un grupo de mulleres, liderada por ela, se empeñaron en facer realidade un sono.

As dúbidas eran normais, pero o entusiasmo superaba calquera dificultade. Elas conseguírono. Vedruna é hoxe unha realidade. Joaquina e aquelas nove monxas comezaron o labor. Elas deron os primeiros pasos. Hoxe en día, irmás e segrares continuamos a súa obra, intentamos facer realidade as súas palabras "Amor e máis amor". Na celebración do aniversario da Fundación lembramos esa comunidade pionera .

Seguro que terían os seus temores.Mirádeas están a imaxinar o futuro.E seguro que nosás defraudaremos.

Un ano máis, esta organización, que desenvolve proxectos educativos e sanitarios non continente africano, pediu a nosa colaboración na campaña de recollida de roupa usada e zapatos, para beneficiar a centos de nenos e nenas, aos que se lles abrirán ás portas dun futuro mellor .

Foron numerosas as bolsas de pezas de vestir que trouxestes ata o colexio. Esta campaña permitiunos colaborar coas persoas que teñen menos ca nós, permitiunos ademais facer unha reflexión sobre o consumo e sobre a protección do medio ambiente, tratando de facer de nós persoas cunha mentalidade ecoloxista.

A recollida de prendas e zapatos usados supón para moitos nenos e nenas un pouco máis de cor e calor na súa vida.

A palabra clave da Coresma é Convertédevos! Sentimos a necesidade permanente de renovarnos, de estar ao día. Ao longo da Coresma ofreceránsenos oportunidades, pasos, xestos para esta conversión.

Descargar presentación da coresma

Dende o Equipo de Pastoral e seguindo a programación deseñada para este curso, facémosvos partícipes dun proxecto solidario a desenvolver neste terceiro trimestre. O devandito proxecto foi escollido para a Campaña de Mans Unidas pero debido aos acontecementos acontecidos en Haití, pareceunos máis axeitado solidarizarnos naquel momento con ese pobo tan devastado polo terremoto.

Formación e salarios para 20 traballadores de Saúde que ofrecen axuda a enfermos sen recursos da etnia Adivasis , en Uplat-India .

Este proxecto forma parte doutro máis amplo que desenvolven as Irmás Carmelitas nesta rexión da India.

Os Adivasis están a ir cara a atrás económica e socialmente. Son granxeiros marxinais que dependen da agricultura alimentada pola chuvia. Despois da colleita emigran a outros sitios para buscar traballo noutras granxas ou pequenas industrias. As mulleres enfermas e maiores, así como os nenos, quedan no pobo para coidar o gando

Os traballadores sanitarios que traballan con eles,reciben formación en períodos regulares e axudan os Adivasis a administrarse nas súas enfermidades.

PRETENDEMOS:

§ Involucrar a todo o colexio (alumnos, profesores, pais) nun proxecto solidario, colaborando cada un ao seu nivel

§ Recadar o diñero suficiente para o proxecto de Uplat. (1.147 €)

§ Dar a coñecer outras realidades distintas á nosa.

Na entrada principal do Colexio haberá información e un peto para facilitar a vosa colaboración económica.

As actividades traballaránse cos nosos alumnos/as dende as titorias, mais adinate os informaremos das actividades que vos propoñemos aos país e nais.

Esperamos que esta actividade sirva para que todos poidamos traballar en equipo e nos conciencie a todos no valor da solidariedade.

Moitas grazas pola vosa colaboración.

Un saúdo.

O Equipo de Pastoral